विश्वकप क्रिकेटः दक्षिण अफ्रिकालाई हराउँदै न्युजिल्यान्ड उक्लियो शीर्ष स्थानमा

काठमाडौं ।
आईसीसी एकदिवसीय विश्वकप क्रिकेटमा न्युजिल्यान्ड शीर्ष स्थानमा उक्लिएको छ । बुधबार भएको खेलमा दक्षिण अफ्रिकालाई ४ विकेटले पराजित गर्दै न्युजिल्यान्ड शीर्ष स्थानमा उक्लिएको हो ।
दक्षिण अफ्रिकाले न्युजिल्यान्डलाई दिएको २४२ रनको मध्यम लक्ष्य पछएको न्युजिल्यान्डले ४८ ओभर ३ बलमा ६ विकेट गुमाउँदै २४५ रन पूरा र्गयो । न्युजिल्यान्डलाई जित दिलाउन कप्तान केन विलियम्सनले शतकीय पारी खले । १३८ बल खेलेका उनले ९ चौका र १ छक्काको सहयोगमा १०६ रन बनाए ।
त्यस्तै कोलिन डी ग्राण्डहोमले अर्धशतकीय पारी खेले । ४७ बल खेलका उनले ५ चौका र २ छक्काको सहयोगमा ६० रनको योगदान गरे । न्युजिल्यान्डलाई महत्वपूर्ण तीन अंक दिलाउन मार्टिन गुप्तिलले ३५ रन जोड्दा जिम्मी निशमले २३ रन जोडे ।
बलिङतर्फ दक्षिण अफ्रिकाका क्रिस मोरिसले निर्धारित तीन विकेट लिए । त्यसतै कगिसो रबाडा, एण्डिले फेह्लुक्वायो र लुङ्गी एन्गिडीले समान एक-एक विकेट लिए ।
यसअघि वर्षाका कारण मैदान गिलो भएपछि ४९ ओभरमा सारिएको खेलमा टस हारेर पहिले ब्याटिङ गरेको दक्षिण अफ्रिकाले निर्धा्रित ४९ ओभरमा ६ विकेट गुमाउँदै २४१ रन पुरा गरेको थियो ।
दक्षिण अफ्रिकाका लागि हसिम अमलाले अर्धशतकीय पारी खेले । ८३ बल खेलेका उनले ४ चौकाको सहयोगमा ५५ रन बनाए । साथै उनले एकदिवसीय क्रिकेटमा सबै भन्दा छिटो ८ हजार रन पूरा गर्ने दोस्रो खेलाडीको रुपमा रहेका छन् ।
त्यस्तै रस्सी भान डर डसेनले पनि अर्धशतकीय पारी खेले । ६४ बल खेलेका उनले २ चौका र ३ छक्काको सहयोगमा ६७ रन जोड्न सफल भए । दक्षिण अफ्रिकाका लागि एन्डेन मार्करम ३८ रन जोड्दा डेभिड मिलर ३६ र कप्तान फाफ डु प्लेसिस २३ रनको योगदान गरे ।
बलिङतर्फ न्युजिल्यान्डका लागि ल्युक फर्गुसनले सर्वाधिक तीन विकेट लिए । त्यस्तै ट्रेन्ट बोल्ट, कोलिन डी ग्राण्डहोम र मिचेल स्यान्टनरले समान एक-एक विकेट लिए ।