गुठी विधेयक खारेजीको माग गर्दै माइतीघरमा विशाल प्रदर्शन

काठमाडौँ ।
गुठी सम्बन्धी विधेयक सरकारले फिर्ता लिए पनि आन्दोलन रोकिएको छैन । राष्ट्रिय पहिचान संरक्षण संघर्ष समितिको आह्वानमा बुधबार मध्यान्न काठमाडौँको माइतीघर मण्डलामा विशाल प्रदर्शन भएको छ ।
काठमाडौँ उपत्यकाका विभिन्न ठाउँबाट ¥यालीसहित जम्मा भएका आन्दोलनकारीले माइतीघरमा एकीकृत प्रदर्शन गरेका हुन् । प्रधानमन्त्री केपी शर्मा ओलीको निर्देशनमा भूमिसुधार मन्त्री पद्मा अर्यालले मंगलबार गुठी विधेयक फिर्ता लिएकी थिइन् ।
आन्दोलनकारीले भने विधेयक फिर्ता मात्रै नभएर खारेज नै गर्नु पर्ने माग गरेका छन् । आन्दोलनका कारण काठमाडौँको ट्राफिक व्यवस्थापनमा समस्या भएको छ ।