गंगा ज्योती मावि पथ्थरकोटमा एनसिसी तालिमको शुभारम्भ

मायादेवी अनलाइन, बुद्धभूमि । 

कपिलवस्तुको बुद्धभूमि नगरपालिका वडा नं. १ पथ्थरकोटमा विद्यार्थीका लागि आत्मरक्षा, अनुशासन तथा देशभक्ती (एनसिसी) सम्बन्धि तालिमको शुभारम्भ भएको छ । पथ्थरकोटमा रहेको गंगा ज्योती माविमा अध्ययनरत विद्यार्थीका लागि एक सय दिने तालिमको शुभारम्भ गरिएको हो । तालिममा कक्षा ९ र १० का ३६ जना विद्यार्थी सहभागी रहेको समन्वय शिक्षक टंकप्रसाद भुसालले जानकारी दिनुभयो ।

तालिमको मंगलबार नारायण दल गोरुसिंगेका निमित्त प्रमुख सेनानी सुरेश केसीले उद्घाटन गर्नुभयो । नेपाल आर्मी सेवा दलको आयोजनामा हुने तालिम विद्यार्थीले दैनिक दुई दुई घण्टा सिक्न पाउनेछन् ।

उद्घाटन कार्यक्रममा विद्यालयका प्रध्यानाध्यापक दल बहादुर जिसी, शिक्षक अभिभावक संघका अध्यक्ष बलराम भुसाल लगायतको उपस्थिती रहेको समन्वय शिक्षक भुसालले जानकारी दिनुभयो । गत बर्षहरुमा पनि आर्मीले यस्तै प्रकारका कार्यक्रम विभिन्न विद्यालयमा सञ्चालन गरेको थियो ।