टिप्पर पल्टिदा अर्घाखाँचीमा ४ जना घाइते

अर्घाखाँची ।
अर्घाखाँचीको शितगंगा नगरपालिकामा टिप्पर दुर्घटनामा परेको छ । नगरपालिकाको वडा नं. २ भुवनपाटा भन्ने स्थानमा टिप्पर दुर्घटना हुँदा चार जना घाइते भएको बताइएको छ । घाइतेहरुलाई उपचारका लागि ठाडा प्राथमिक स्वास्थ्य चौकी ल्याएको छ ।
नरपानी देखि ढुँगा बोकेर गोरुसिंगे तर्फ जाँदै गरेको बा ३ ख ६२९७ नम्बरको टिप्पर दुर्घटनामा परेको हो । टिप्परको एक्कासि ब्रेक फेल हुँदा दुर्घटना भएको चालकको भनाइ छ । टिप्परको अघिको भाग क्षतिग्रस्त छ । घाइतेहरुको अवस्था सामान्य छ । टिप्पर चालकलाई नियन्त्रणमा लिई थप अनुसन्धान भैरहेको इलाका प्रहरी कार्यालय ठाडाले जनाएको छ ।