कपिलवस्तुको भलवाडमा एक पुरुषको शव फेला

मायादेवी अनलाइन, भलवाड ।
कपिलवस्तुको वाणगंगा नगरपालिका ९ भलवाडमा एक पुरुषको शव फेला परेको छ । भलवाडको पडरिया गाउँमा पुरुषको शव फेला परेको हो । मकैबारीमा भेटिएको शवलाई स्थानीयले देखेपछि इलाका प्रहरी कार्यालय पिपरामा जानकारी गराएका थिए ।
स्थानीयको जानकारी लगत्तै प्रहरी घटनास्थलमा पुगेको थियो । शवलाई अहिले पोष्टमार्टमका लागि तौलिहवा लगिएको बुझिएको छ ।
शव पडरियाका अन्दाजी ३० बर्षका मनोज महतको रहेको छ । घटनाको थप अनुसन्धान भैरहेको इलाका प्रहरी कार्यालय पिपराले जनाएको छ ।