बुद्धभूमिबाट दुई लाख नगद सहीत ६ जना जुवाडे पक्राउ

रचना खासुमगर, तौलिहवा ।
कपिलवस्तुको बुद्धभुमी नगरपालिका– ९ साधावास स्थित साँधुकुटीमा सोमवार दिउँसो जुवाको खालबाट २ लाख बढी नगद सहीत ६ जना जुवाडे पक्राउ परेका छन् ।
२ लाख ३४ हजार २९० रुपैया तथा जुवातास खेलीरहेको अवस्थामा २ वटा खोलेको र ४ वटा नखोलेको गड्डी तास समेत खालबाट फेला परेको प्रहरी नायब उपरिक्षक देबेन्द्र पाण्डेयले बताए ।
पक्राउ पर्नेमा कपिलवस्तु नगरपालिकाका दिपक गुप्ता, बुद्धुभूमि नगरपालिकाका कृष्णचन्द्र गुप्ता र प्रेम कुमार केवट, महाराजगंज नगरपालिकाका महेश त्रिपाठी र पशुपति गोडिया तथा शिवराज नगरपालिकाका लिल बहादुर भाट क्षेत्री छन् । पक्राउ परेकाहरुसंग सोधपुछ सहीत अनुसंधान भईरहेको प्रहरी नायब उपरिक्षक पाण्डेयले बताए ।