पाकिस्तानलाई पराजित गर्दा विराटले तोडे सचिनको कीर्तिमान

एजेन्सी ।
भारतीय टिमका कप्तान विराट कोहली एक दिवसीय क्रिकेटमा सबैभन्दा चाँडो ११ हजार रन बनाउने खेलाडी बनेका छन् । बेलायतमा जारी विश्वकप क्रिकेट अन्तर्गत आइतबार भएको पाकिस्तानसँगको खेलमा ७७ रन बनाएका कोहलीले भारतकै सचिन तेन्दुल्करको नाममा रहेको कीर्तिमान आफ्नो नाममा लेखाएका हुन् ।

खेलमा ५६ रन बनाउँदा नै उनले तेन्दुल्करको कीर्तिमान तोडेका हुन् । कोहलीले २२२ एक दिवसीय क्रिकेटमा ११ हजार रन बनाएका हुन् । तेन्दुल्करले २७६ खेलमा ११ हजार रनको आँकडा पूरा गरेका थिए । एक दिवसीय क्रिकेटमा सर्वा्धिक रन बनाएका तेन्दुलकरले ४६३ खेलमा १८ हजार ४२६ रन बनाएका छन् ।प्रतियोगितामा आज आज वेष्टइण्डिज र बंगलादेश एक आपसमा भीँड्ने छन् ।