वाणगंगाको वडा नं. ७ मा बाल सञ्जाल गठन

मायादेवी अनलाइन, वाणगंगा ।
कपिलवस्तुको वाणगंगा नगरपालिकाको वडा नं. ७ मा बडा स्तरीय बालसञ्जाल गठन भएको छ । वडा अध्यक्ष विष्णु गिरीको अध्यक्षतामा बसेको एक भेलाले आकृती गैरेको अध्यक्षतामा वडा स्तरीय बालसञ्जाल गठन गरेको हो ।
जसको उपाध्यक्षमा सालिकराम पौडेल, सचिवमा चाहना गिरी, सहसचिवमा अंशु कार्की, कोषाध्यक्षमा शाहिल अधिकारी र अन्य सदस्यहरुमा रहेका छन् ।
वडाका ८ वटा टोल विकास संस्थाका दुई दुई जना प्रतिनिधि र ५ सामुदायिक तथा नीजि विद्यालयबाट एक एक जना प्रतिनिधि सहभागी गरी २१ जनाको उपस्थितीमा बाल सञ्जाल गठन गरिएको वडा कार्यालयले जनाएको छ ।
बाल सञ्जालको पदाधिकारी योग्यता र क्षमताको आधारमा भएको कार्यालयलले जनाएको छ । माइकमा बोल्न लगाएर उनीहरुको प्रस्तुतीको आधारमा पदाधिकारी छनौट गरिएको हो । पहिलो चरणमा गरिएको छनौटमा ७ जना उत्कृष्ट बनाएर त्यस मध्ये पुनः प्रतिष्प्रर्धा गराई पदाधिकारी चयन गरिएको हो ।
कार्यक्रममा ८ वटै टोल विकास समितिका पदाधिकारी लगायत विभिन्न व्यक्तिहरुको सहभागीता रहेको थियो ।