महिला विश्वकप फुटवलः इंग्ल्याण्ड र इटाली अन्तिम १६ मा

एजेन्सी,
इंग्ल्याण्ड र इटालीले फ्रान्समा जारी महिला विश्वकप फुटबलको अन्तिम १६ मा स्थान पक्का गरेका छन् । समूह चरण अन्तर्गत शुक्रबार राति भएका खेलमा जित निकाल्दै दुवै टिमले नकआउट चरणमा स्थान बनाएका हुन् । समूह डी अन्तर्गतको खेलमा इंग्ल्याण्डले अर्जे्न्टिनालाई १–० ले हरायो । इंग्ल्याण्डको यो लगातार दोस्रो जित हो । अर्जे्न्टिनाले भने जित निकाल्न सकेको छैन, उसले पहिलो खेलमा बराबरी गरेको थियो । समूह डी अन्तर्गत नै भएको खेलमा जापानले स्कटल्याण्डलाई २–१ ले हरायो । चार अंकसहित जापान समूहको दोस्रो स्थानमा छ ।यस्तै समूह सी बाट जमैकालाई ५–० ले पराजित गर्दै इटालीले अन्तिम १६ मा स्थान पक्का गरेको छ । इटलीको लागि क्रिष्टिएना गिरेलीले ह्याट्रिक गरिन् लगातार दुई जित निकालेको इटालीको ६ अंक भएको छ । तीन अंकसहित ब्राजिल दोस्रो स्थानमा छ ।