जेसीबीले अटोरिक्सालाई ठक्कर दिँदा तीन जनाको मृत्यु, ५ घाइते

महेन्द्रनगर–कञ्चनपुरमा जेसीबीले अटोरिक्सालाई ठक्कर दिँदा तीन जनाको मृत्यु भएको छ । भीमदत्त नगरपालिकामा शुक्रबार बिहान से १ त ७३३ नंको जेसिबीले  दिँदा मे १ ह ७६३ नंको अटोरिक्सालाई जेसिबीले ठक्कर दिएको थियो । ठक्करबाट एक महिला र दुई पुरुषको मृत्यु भएको कञ्चनपुर प्रहरीले जानकारी दिएको छ । मृत्यु हुनेहरुको पहिचान खुलेको छैन । दुर्घटनामा घाइते भएका अन्य पाँचजनाको स्थानीय अस्पतालमा उपचार भइरहेको छ ।घाइते हुनेमा भीमदत्तनगरपालिका–१० का १८ वर्षीया जगदीश पार्की, बैतडी देहीमाडौँका ३२ वर्षीया लक्ष्मी बोहरा, उहाँका तीन वर्षीया छोरा निशान्त बोहरा, भीमदत्तनगरपालिका–११ का २६ वर्षीय प्रेम थापा र बेल्डाँडी गाउँपालिका–७ का २६ वर्षीय सन्तोष लुहार रहेको छन् ।जेसिबी चालक भने फरार रहेको प्रहरीले जनाएको छ ।