मोटरसाइकल सिक्ने क्रममा दुर्घटना हुँदा वडा सदस्यको मृत्यु

धनगढी ।
बझाङमा मोटरसाइकल दुर्घटना हुँदा वडासदस्यको मृत्यु भएको छ । जयपृथ्वी नगरपालिका वडा नम्बर ७ का वडा सदस्य नरेश भनेर चिनिने नरबहादुर महरको मोटरसाईकल सिक्ने क्रममा दुर्घटना हुँदा मृत्यु भएको हो ।
बिहीबार बिहान मोटरसाइकल सिक्ने क्रममा घाइते भएका महरको उपचारका क्रममा मृत्यू भएको जिल्ला प्रहरी कार्यालय बझाङले जनाएको छ ।
वडा नम्बर ७ को से १ ब ११७७ नम्बरको मोटरसाइकल दुर्घटना भएको जिल्ला प्रहरी कार्यालय बझाङका प्रहरी नायव उपरिक्षक सुर्यबहादुर केसीले बताए ।
मृतक महरले विना हेलमेट मोटरसाइकल चलाएको प्रहरीको भनाइ छ । ‘मृतक महरको टाउकोमा गम्भीर चोट लागेका कारण मृत्यु भएको जिल्ला अस्पतालका कार्यालय प्रमुख डाक्टर सन्दिप ओखेडाले बताए ।