दक्षिण-अफ्रिकालाई हराएको बंगलादेशले रोक्ला त श्रीलंकालाई ?

एजेन्सी । 
१२ औँ आईसीसी एक दिवसीय विश्वकप क्रिकेट अन्तर्गत आज पनि एक खेल हुँदै छ । जसमा श्रीलंकाले बंगलादेशको सामना गर्ने छ । नेपाली समय अनुसार ३ बजेर १५ मिनेटमा खेल सुरु हुने छ । दुवै टिमले समान तीन–तीन खेल खेलेका छन् । श्रीलंकाले खेलेको तीन खेलमध्ये एक खेलमा जित एक खेलमा हार र एक खेलमा वर्षाको कारण अंक बाँडेको छ ।

यता, बंगलादेशले यसअघि खेलेको तीन खेलमध्ये एक खेलमा जित र दुई खेलमा हार ब्यहोरेको छ । दुवै टिम जारी विश्वकपमा दोस्रो जितको खोजीमा हुनेछन् । अहिले विश्वकपमा कमजोर मानिएको बंगलादेशसँग पनि श्रीलंका डराउनु पर्ने अवस्था आएको छ । यता, बंगलादेशले भने जारी विश्वकपको पहिलो खेलमा दक्षिण-अफ्रिकालाई २१ रनले सनसनीपूर्ण जित निकाल्दै राम्रो सुरुवात गरेको थियो ।

त्यसकारण बंगलादेश पछिल्लो समयमा बलियो टिममा गनिएको छ । यसअघि हिजो भएको खेलमा दक्षिण अफ्रिका र वेस्ट इन्डिजबीचको खेल नतिजाविहिन बनेपछि एकएक बाँडेका छन् ।