विश्वकप क्रिकेटः आज भारत र अष्ट्रेलिया भिड्दै, कसले जित्ला ?

एजेन्सी ।
बेलायतमा जारी एक दिवसीय विश्वकप क्रिकेट अन्तर्गत आइतबार एउटा महत्वपूर्ण खेल हुँदै छ । आइतबारको खेलमा उपाधिका दुई मुख्य दावेदार भारत र अष्ट्रेलिया एक आपसमा भीँड्ने छन् ।
भारतले आइतबार आफ्नो दोश्रो खेल खेल्दै छ भने अष्ट्रेलियाले तेश्रो खेल खेल्दै छ । भारत पहिलो खेलमा दक्षिण अफ्रिकामाथि बिजयी भएको थियो भने अष्ट्रेलियाले अफगानिस्तान र वेष्टइण्डिजमाथि जित निकाल्दै लगातार २ खेलमा जित हासिल गरेको छ ।
विश्वकपको उपाधि जित्ने लक्ष्य बोकेको भारत आज लगातार दोश्रो जितको खोजिमा हुँदा अष्ट्रेलिया पनि तेश्रो जित निकाल्दै विश्वकपमा आफ्नोे दबदबा जारी राख्न चाहन्छ । त्यस हिसाबले पनि आजको खेल निकै रोचक हुने अनुमान गरिएको छ ।