मायादेवी अनलाइन, वाणगंगा ।
नवछहारी सामाजिक विकास संस्थाद्धारा सञ्चालित रेडियो मायादेवी १०६ थोप्लो १ मेगाहर्जका प्राविधिक प्रमुख मनोज थापालाई मातृशोक परेको छ । अर्घाखाँची पाणीनी गाउँपालिका निवासी थापाकी आमा हुमकुमारी थापाको शनिबार विहान निधन भएको हो ।
विगत दुई महिना देखि अस्वस्थ्य रहनुभएकी हुमकुमारीको विहान ४ बजे निधन भएको पारिवारिक स्रोतले जनाएको छ । हुमकलाका ४ छोरा र एक छोरी हुनुहुन्छ । गुल्मीमा विं.सं. २००९ सालमा जन्मिनुभएकी हुमकुमारीको शनिबार गुल्मीको रिडीमा अन्त्येष्टि गरिएको छ ।
यसैबीच मनोज थापालाई पर्न गएको मातृशोक प्रति मायादेवी मिडिया गु्रप प्रालि र रेडियो मायादेवीले संयुक्त शोक वक्तव्य जारी गर्दै शोकाकुल परिवारजन प्रति गहिरो समवेदना व्यक्त गर्दै मृतआत्म प्रति हार्दिक श्रद्धाजली व्यक्त गरेको छ । मिडिया गु्रपका अध्यक्ष तथा कार्यकारी निर्देशक हरि अधिकारी र रेडियो मायादेवीका प्रबन्ध निर्देशक थानेश्वर अधिकारीले शोक बक्तव्य जारी गर्दै यस दुखत क्षणमा आफुहरु स्तब्ध भएको उल्लेख गर्नुभएको छ ।
प्रतिक्रिया