अर्घाखाँचीमा एक वेवारिसे पुरूषको सव फेला

बिष्णु कुमार आले, अर्घाखाँची । 

अर्घाखाँचीको सिद्धारा खयरभट्टीको जङ्गलमा एक वेवारिसे पुरूषको सव फेला परेको छ । सुक्रबार साँझ गोरु चराउने गोठालाले सवको अनुहार चिन्न नसकिने, हातमा कालो पलाष्टीकको बालो लगाएको, अन्दाजी ३५, ३६ बर्ष जस्तो देखिने नग्न अवस्थामा सव फेला पारेपछि प्रहरीलाई खबर गरेका छन् ।

मृतकले लगाएको जुत्ता चप्पल नजिक नदेखिएको उनिहरूले बताएका छन् । जिल्लाकै बिकट क्षेत्र रहेकाले घटनास्थलमा अझै प्रहरी पुग्न सकेको छैन ।

अहिले घटनास्थल तर्फ ईलाका प्रहरी कार्यालय ठाडाका प्रहरी निरिक्षक गणेश बहादुर नरालको नेतृत्वमा प्रहरीको टोली जाँदै गरेको बुझिएको छ । सवको पहिचान खुल्न सकेको छैन । घटनाको थप बिवरण आउन बाँकी छ ।