टाउको दुखाइलाई सामान्य नसोच्नु, यस्तो रोग हुनसक्छ

काठमाण्डौ ।
टाउको दुख्ने समस्यालाई सामान्य रुपमा लिइन्छ । तर टाउको दुख्ने समस्यालाई सामान्य रुपमा लिदा यो दीर्घकालिन समस्याको रुपमा देखा पर्न सक्छ । टाउको दुख्ने समस्या स्नायु सम्बन्धि समस्या तथा रोगका कारणले हुने गर्छ । टाउको दुख्ने विभिन्न रोगहरुमध्ये माइग्रेन पनि पर्छ ।

माइग्रेनका लक्षणहरु

–टाउकोको एक भागमा मात्रै अत्याधिक पीडा हुने,

– चार घण्टादेखि एक सातामसम्म दुख्ने,

–टाउको दुख्दा वान्ता हुने,

–वाक–वाक लाग्ने,

–चिडचिडापन हुने,

–बोल्न मन नहुने,

–कसैसँग बोल्न मन नलाग्ने,

–बत्तिको उज्यालोमा बस्न नसक्ने,

–काम गर्दा दुखाइ बढ्ने ।

किन हुन्छ माइग्रेन

माइग्रेनको लक्षण मानिसअनुसार फरक फरक हुन्छ । लक्षण फरक हुने भएकाले यसको कारण पनि फरक– फरक हुन्छन् ।

–धेरै गर्मी धेरै जाडो मौसममा,

–चर्को घाममा जाँदा,

–धेरै चर्को आवाज,

–नराम्रो कुरा सुन्दा वा तनाव बढ्दा,

–धेरै दुःखी भएमा,

– कम वा धेरै सुत्दा,

–कफि, चकलेट, मदिरा सेवन,

–अजिनोमोटो हालिएको खानेकुरा,

–भोक लागेमा,

–महिनावरी भएको समयमा,

यसरी हुन्छ उपचार
माइग्रेनको एट्याक आउँन नदिने र अर्को माइग्रेनको एट्याक आइरहेको समयमा टाउको दुखाइलाई कम गर्ने दुई किसिमको उपचार हुन्छ ।
माइग्रेनका बिरामीको अवस्था हेरेर सामान्यतय ६ देखि ९ महिनासम्म औषधि सेवन गर्नुपर्ने हुन्छ । औषधि सेवनले दुई देखि ५ वर्षसम्म माइग्रेनका कारण टाउको दुख्ने समस्या हट्छ ।

यस्तै अर्को उपचार माइग्रेनको दुखाई भइरहेको अवस्थामा दुखाई कम गर्ने उपचार हो । यो उपचार विधि भनेको दुखाई कम गर्ने पेनकिलरहरुको प्रयोग गर्ने हो ।
तर यस्तो औषधि नियमित सेवन गर्दा ग्यास्ट्रिक,अल्सर, किड्नीमा समस्या हुने सम्भावना रहन्छ । स्वास्थ्य जीवनशैलीले माइग्रेनको समस्या कम हुने भएकाले स्वास्थ्य जीवनशैली अपनाउनुपर्छ ।