गायक राजेन्द्र कार्कीको ‘मुना पलायो’ ले चर्चा बटुल्दै (भिडियो)

थानेश्वर अधिकारी, मायादेवी अनलाइन ।
कपिलवस्तु , राष्ट्रिय संगित कर्मी संघका केन्द्रिय अध्यक्ष राजेन्द्र कुमार कार्कीले धेरै बर्षको अन्तराल पछि नयाँ गीत ‘मुना पलायो’ बजारमा ल्याउनु भएको छ। चर्चित लोक दोहोरी गायक कुलेन्द्र बिश्वकर्मा, आधुनिक तथा फिल्मी गायिका मेलिना राई र कलाकार कार्कीको आफ्नै आवाजमा रहेको उक्त गीत काठमाडौँको भृकुटीमण्डपस्थित रिपोर्टस् क्लव नेपालमा बैशाख १३ गते पत्रकार सम्मेलन गरी सार्वजनिक गरिएको छ ।
समधुर क्रियशनको प्रस्तुती रहेको उक्त गीतमा राजेन्द्र कार्कीकै शब्द सृजना रहेको छ भने गायक बिष्णु खत्रीको संगीत रहेको छ । मारुनी स्टुडियोमा रेकर्ड गरिएको गीतमा संगीत संयोजन भने कमल सौरागको रहेको छ । सागर गौतमले छायांकन, चर्चित भिडियो सम्पादक रोशन धितालको सम्पादन रहेको उक्त भिडियोको निर्देशन भने मिलन श्रेष्ठले गर्नुभएको छ ।
छोटो समयमा नै युटुभमा धेरै फलोअर्स बटुलीसकेको सो म्युजिक भिडियोमा कलाकारहरु ओबी रायमाझी, संजिव ठकुरी, नायिका सिर्जुअधिकारी र सन्ध्या सानु लगायतको अभिनय रहेको छ । अत्यन्त समसामयिक र टिपिकल गित भएकाले यसले राम्रै चर्चा बटुल्ने गायक कार्की बताउनु हुन्छ । धेरै बर्षको अन्तरालमा यो गीत बजारमा ल्याएको र नेपाली मौलिक लोक संस्कृतिलाई पनि संरक्षण गर्नमा मदत पुग्ने उहाँको विश्वास छ । अहिले लोक दोहोरीको क्षेत्रमा आएको नविनतम प्रबिधि सँगै दर्शक तथा श्रोताले फरकपन महशुस गर्न पाएका छन् । प्स्तुत गीतमा पनि दर्शक तथा श्रोताले त्यस्तै नयाँ पनको महशुष गर्ने गायक कार्कीले बताउनु भयो ।
पूरा भिडियो हेर्न तल क्लिक गर्नुहोला–