कपिलवस्तुमा किशोरीको शव फेला, बलात्कार पछि हत्या गरिएको आशंका

मनिष गुप्ता, कपिलवस्तु ।
कपिलवस्तुमा एक किशोरी मृत अवस्थामा फेला परेकि छन् । जिल्लाको महाराजगंज नगरपालिका -७ सतभरा गाउँ नजिक रहेकोे पोखरीमा उनको शव फेला परेको हो । बेबारिसे अवस्थामा फेला परेको उक्त शव नग्न अवस्थामा फेला परेको हो । लगभग १८ बर्षको जस्तो देखिने उक्त शवको प्रकृती हेर्दा बलात्कार गरि हत्या गरिएको हुन सक्ने स्थानीयको आशंका छ ।
मुखमा चोट रहेको र शरिरको तल्लो भागमा लुगा कपडा नरहनुले बलात्कार गरि मारिएको हुन सक्ने स्थानीयको आशंका भएको हो । घटनास्थलमा प्रहरी पुगेर शवलाई पोष्टमार्टमका लागि शिवराज अस्पताल बहादुरगंज पठाईएको छ । घटनाबारे थप अनुसन्धान भईरहेको इलाका प्रहरी कार्यालय कृष्णनगरका प्रहरी निरिक्षक सुर्य बोगटीले बताए ।