कपिलवस्तुमा पिकअप गाडी दुर्घटना, एक जनाको ज्यान गयो

मायादेवी अनलाइन, पकडी । 

कपिलवस्तुमा पिकप गाडी दुर्घटना हुँदा एक जनाको ज्यान गएको छ । जिल्लाको मायादेवी गाउँपालिका ८ बरपुरमा पिकप दुर्घटना हुँदा विनोद चमारको ज्यान गएको हो । चाकडचौडाबाट पकडी तर्फ जादै गरेको लु १ च ४१७५ नं. को पिकप गाडी दुर्घटना भएको जिल्ला प्रहरी कार्यालय कपिलवस्तुले जनाएको छ ।
गाडीमा तीन जना सवार रहेको जनाइएको छ । जसमा एक जना घाइते भएका छन् । तिनको भारतमा उपचार भैरहेको बताइएको छ । चालक भने फरार छन् । गाडी के कति कारणले दुर्घटनामा परेको हो अनुसन्धान भैरहेको प्रहरीको भनाई छ ।