मकवानपुरमा जीप दुर्घटना, एक जनाको ज्यान गयो, दुई जना घाइते

मकवानपुर ।
मकवानपुरको इन्द्रसरोवर गाउँपालिका वडा नम्बर ३ ,सिस्नेरीमा सडक दुर्घटनामा परेर एक जनाको ज्यान गएको छ भने दुई जना घाइते भएका छन् ।
विरगञ्जबाट काठमाण्डौतर्फ जाँदै गरेको बा २० च ४२७९ नम्बरको जीप सडकबाट तल खस्दा एक जनाको मृत्यु भएको हो । दुर्घटनामा परी मृत्यु हुुनेमा भारतको मोतिहारी जिल्ला बस्ने ४५ वर्षीय कनैया साह रहेका छन् । उनको घटनास्थलमै मृत्यु भएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमकार सिंहले बताउनुभयो ।