पार्टी सफल हुन महिलाको सक्रियता अपरिहार्य : नेता चन्द्र भडारी

मायादेवी अनलाइन, वाणगंगा ।
नेपाली कांग्रेसलाई सफल बनाउन महिलाले देश हाक्ने बेला आएको नेपाली कांग्रेसका केन्द्रिय सदस्य डा. चन्द्र भण्डारीले बताउनु भएको छ । देशैभर नेपाली कांग्रेसले चलाइरहेको जागरण अभियानका क्रममा विहीबार कपिलवस्तुको वाणगंगामा आयोजित राष्ट्रिय जागरण अभियानमा प्रमुख अतिथिको आसनबाट बोल्दै उहाँले यस्तो कुरा बताउनुभएको हो ।
महिलाहरु जुर्मुराएर अघि बढेमा सबै पार्टीका वरिष्ठ नेताहरुलाई महिलाले ढाल्ने उहाँले जिकिर गर्नुभयो । नेपाली कांग्रेसको जनजागरण अभियानका क्रममा भण्डारीले पार्टीले संसदीय व्यवस्थालाई कायम गर्न केन्द्रिय तहदेखि स्थानीय तहका वडा वडाका जनतालाई हातेमालो गर्दै अभियानमा सक्रिय बनाउनुपर्ने जोड दिनुभएको थियो ।
उहाँले अव पार्टीले जनतालाई देशको अभिभावकत्व आवश्यक रहेको बताउँदै भोलीका दिनमा पार्टीको नेतृत्व लिनका लागि कार्यकर्ताको मन बुझ्नु जरुरी रहेको स्पष्ट पार्नुभयो । पिछडिएको वर्गको सहारा मात्र नेपाली कांग्रेस पार्टी रहेको पनि दावी गर्नुभयो ।
यस्तै कार्यक्रममा नेपाली कांग्रेसका केन्द्रिय सदस्य अतहर कमाल मुसलमानले पार्टीको अभियान सफल पार्न कार्यकर्ताहरु एकजुट भएर लाग्नुपर्ने धारणा राख्नुभएको थियो । आफूले महिला, गरीब, जनजाति, लगायतका वर्गलाई आफूले मलम लगाएको पनि दावी गर्नुभयो । उहाँले व्यक्तिले जितेर नहुने बताउँदै संगठनले जितेमा मात्र पार्टीको जित हुने बताउनुभयो ।
सो कार्यक्रममा पार्टीका जिल्ला सभापति सुरेन्द्रराज आचार्यले जनताको इच्छा चाहना अनुसार पार्टी चलेको जिकिर गर्नुभयो । उहाँले जनतालाई सेवा सुविधा दिनको लागि कांग्रेसले विधान ल्याएको बताउँदै अध्ययन गरी पार्टीलाई जनताको साथ आवश्यक रहेको स्पष्ट पार्नुभयो । अभियानलाई अगाडी बढाउन जनताको सहकार्यको खाँचो रहेको औंल्याउँदै एकजुट भएर कार्यकर्ता पार्टी संगठनमा लाग्नुपर्ने बताउनुभएको थियो ।
कार्यक्रममा वाणगंगा नगरपालिकाका नगर प्रमुख मंगलप्रसाद थारु, नेपाली कांगे्रस पूर्व सभापति राजेश आचार्य, महिला संघ केन्द्रिय सदस्य इन्दिरा भट्टराई, जिल्ला समन्वय समिति उप संयोजक तारावती थारु लगायतले वर्तमान सरकारले देखाएको हिंस्रक प्रवृतिलाई भण्डाफोर गर्दै नेपाली कंग्रेस सांगठनीक रुपमा अगाडी बढ्नुपर्ने बताउनुभएको थियो ।
वर्तमान सरकारको व्यावहार देखेपछि लोकतन्त्र नै खतरामा रहेको स्पष्ट पार्दै जनताले नेपाली कांग्रेसलाई नै अंगाल्ने जिकिर गर्नुभएको थियो । सो अवसरमा उपस्थित हुनुभएका नेपाली कांग्रेसका कार्यकर्ताहरुले जिज्ञासा समेत राख्नुभएको थियो ।
नेपाल जेसिज केन्द्रिय उपाध्यक्ष रमेशचन्द्र भुसाल, प्रेमनारायण पौडेल, भोजराज आचार्य लगायतले केन्द्रीय नेताहरुसमक्ष आ-आफ्ना जिज्ञासाहरु राख्नुभएको थियो । वाणगंगा नगर कार्य बहाक सभापति विष्णु थापाको अध्यक्षता, रहेको कार्यक्रमको संचालन नगर कार्यबहाक सचिव दलबहादुर थापाले गर्नुभएको थियो ।