सालझण्डी जंगलमा एक पुरुषको शव फेला !

मायादेवी अनलाइन, कपिलवस्तु ।
रुपन्देहीमा एक पुरुषको शव फेला परेको छ । सैनामैना नगरपालिका १० सालझण्डी सामुदायिक वनमा पुरुषको शब फेला परेको हो । अन्दाजी ३०–३५ वर्षको जस्तो देखिने पुरुषको शब स्थानीयले देखेपछि प्रहरीलाई खबर गरेका थिए ।
शवको पहिचान भएको छैन् । जंगल गएका स्थानीयले शव देखेपछि प्रहरीलाई खबर गरेका थिए । खबर प्राप्त गर्न साथ इलाका प्रहरी कार्यलय सालझण्डीको टोली प्रहरी घटनास्थल पुगेको थियो ।
अहिले उक्त स्थानमा स्थानीय लगायतको भिड लागेको छ । घटनाबारे थप अनुसन्धान भैरहेको इलाका प्रहरी कार्यलय सालझण्डीले बताएको छ । शवको प्रकृती हेर्दा हत्या गरेर फालेको जस्तो देखिन्छ । शव रक्ताम्य अवस्थामा छ । उनलाई कसैले हत्या गरेर फालेको हुन सक्ने आशंका छ । शव भेटिएको स्थान पूर्व-पश्चिम महेन्द्र राजमार्ग संग नजिकै हो ।