इरानसँग युद्धका लागि तयार रहेको साउदी अरबको चेतावनी

बीबीसी ।
गत मंगलबार साउदी अरबको प्रतिष्ठित तेल पाइपलाइनमा हवाई हमला गरिएको थियो । यसको जिम्मेवार यमनमा सक्रिय हुती विद्रोहीलाई मानिएको थियो ।
साउदी अरबले यी हमलाका लागि इरानमाथि आरोप लगाउँदै इरानको आदेशपश्चात् उक्त हवाई हमला गरिएको दाबी गरेको छ ।
दुई दिनअघि मात्रै साउदी अरबको तटमा भएका दुई तेल ट्याङ्कर र चार जहाजमाथि पनि क्षती र्पुयाइएको थियो । शंका गरिएपनि यीमध्ये कुनै पनि हमला आफूले नगरेको स्पष्टिकरण इरानले दिएको छ ।
इरान र अमेरिका परमाणु सन्धिबाट हटेपछि मध्य–पूर्वमा अमेरिकी सेनाको संख्या बढाइएको छ जसका कारण मध्य–पूर्वमा पहिले देखि नै अस्थिरता छाएको छ ।
साउदी अरबका विदेशमन्त्री अदेल अल–जुबैरले एक पत्रकार सम्मेलनमा भने, ‘साउदी अरब यो इलाकामा कुनै पनि संघर्ष चाहँदैन ।’ ‘हामी युद्धको आशंकाबाट बच्नका लागि हरसम्भव कोसिस गर्न तयार छौं । तर यदि हामीलाई युद्धका लागि उक्साइयो भने हामी त्यसको तगडा जवाफ दिन पनि तयार छौं ।’
खाडी देशको आपतकालीन बैठकः
आइतबार साउदी अरबका राजा सलमानले खाडी र अरब देशका नेतालाई ३० मे मा मक्कामा एक आपतकालीन बैठकका लागि निम्तो पठाएका छन् । उक्त बैठकमा यी हमलाको नतिजामाथि चर्चा गरिने बताइएको छ ।
यस्तै, संयुक्त अरब इमिरेट्सको विदेश मन्त्रालयले एक बयान जारी गर्दै अरब र खाडी मुलुकमा पैदा भएको ताजा स्थितीको सामना सबै मिलेर गर्नुपर्ने बताइएको छ ।
यसैबीच साउदी अरबको सुन्नी सहयोगी देश संयुक्त अरब इमिरेट्सले तेल ट््याङ्करमाथि भएको हमलाका लागि कसैमाथि आरोप लगाएको छैन ।
तर अमेरिकी सरकारका दुई स्रोतले अमेरिकी अधिकारीले इरानले उक्साएपछि हुती समूह र इराकस्थित शिया चरमपन्थीले उक्त हमला गरेको मान्यता राखेको जानकारी दिएको छ ।
हुती विद्रोहीको सुप्रिम रिभोल्यूशनरी कमिटीका प्रमुख मोहममद अली अल–हुतीले साउदी अरबको तर्फबाट बोलाइएको अरब शिखर सम्मेलन खारेज गरेका छन् । उनले ट्वीटरमा पोष्ट गरेका छन्, ‘उनीहरुले युद्ध र क्षतीको समर्थन मात्र गर्न जानेका छन् ।’
साउदी युवराजको अमेरिकासँग कुराकानीः
इरानका विदेशमन्त्री जावेद जरिफले कुनै प्रकारको युद्धको आशंकाबाट अस्विकार गरेका छन् । उनका अनुसार इरान कुनै पनि देशसँग संघर्ष चाहँदैन र कुनै पनि देशले इरानमाथि हमला गर्नसक्छु भनेर सपना देख्न नहुने बताएका छन् ।
इरानको रिभोल्युशनरी गार्डस्ले पनि यही शब्दलाई दोहोराएका छन् । अमेरिकाले इरानमाथि आर्थिक प्रतिबन्ध थप कडा गरेको छ । यसो गरेर अमेरिका इरानको तेल निर्यात पूर्ण रुपमा बन्द गर्न चाहन्छ ।
यसका साथै अमेरिकाले खाडीमा भएका आफ्ना सैन्य शक्तिलाई पनि बढाएको छ । अमेरिकाका अनुसार खाडीमा भएका अमेरिकी बलमाथि इरानको तर्फबाट खतरा बढेको छ ।
साउदीका युवराज मोहम्मद बिन सलमानले यसबारे अमेरिकी विदेशमन्त्री माइक पोम्पियोसँग फोनवार्ता गरेका छन् । यसबारे साउदीको सूचना मन्त्रालयले आइतबार एक ट्वीटमार्फत् जारी गरेको हो ।
साउदीका विदेशमन्त्री अदेल अल–जुबैरले भने, ‘हमला इलाकामा शान्ति र स्थितरता चाहन्छौं तर यसको अर्थ यो होइन कि इरानले हामीमाथि हमला गर्छ भने हामी हात बाँधेर भने बस्नेछैनौं ।’ उनका अनुसार अब बल इरानको पोलमा छ र अब इरानले के चाहन्छ उसैले निर्णय गर्नेछ ।
उनले समुन्द्रमा फसेका इरान तेल ट्याङ्करका चालक दलका सदस्य अहिले पनि साउदी अरबमा भएको र उनीहरुको पूर्ण हेरबिचार गरिएको जानकारी दिए । उनका अनुसार ट्याङ्करको इन्जिन खराब भएको थियो । चालक दलमा २४ इरानी र दुई बंगलादेशी नागरिक छन् ।