मायादेवी अनलाइन, कपिलवस्तु ।
रुपन्देहीमा आज विहानै शंकास्पद वस्तु फेला परेको छ । बुटवल भैरहवा सडकखण्ड अन्तर्गत ओमशतिया गाउँपालिका -१ मा सडकको बीच भागमा शंकास्पद वस्तु फेला परेको हो । विहान करिब साढे सात बजेतिर फेला परेको शंकास्पद वस्तुलाई नेपाली सेनाको वम डिस्पोजल टोलीले आधाघण्टा लगाएर निस्किृय पारेको छ ।
सो वस्तु २ वटा इटामा तारले बाँधेर प्लाष्टिकमा छोपेर राखिएको थियो । घटनास्थलमा रहनुभएका हाम्रा सहकर्मी सन्दिप ढकालका अनुसार आज लुम्बिनीमा बुद्धजयन्तीको विशेष कार्यक्रम रहेकोले त्यसको विरोधस्वरुप र त्यहाँ जानेहरुलाई प्रभावित पार्नको लागि अज्ञात समुहले शंकास्पद वस्तु राखेको हुन सक्ने जनाइएको छ ।
वम जस्तो देखिने उक्त वस्तु फेला परेपछि आधाघण्टाजति आवतजावत समेत ठप्प भएको थियो । सो वस्तुलाई निश्क्रिय पारेपछि अहिले आवतजावत भने सुचारु भएको रुपन्देही प्रहरीले जनाएको छ । घटनामा संलग्नहरुके खोजी कार्य भैरहेको प्रहरीले जनाएको छ ।
प्रतिक्रिया