प्रतिबन्धित भारुसहित काठमाडौंबाट ५ जना पक्राउ

काठमाडौं ।
प्रहरीले काठमाडौंको ठमेलस्थित एक होटलबाट करि १६ लाख बराबरको प्रतिबन्धित भारु नोट सहित ५ जनालाई पक्राउ गरेको छ ।
महानगरीय प्रहरी परिसर काठमाडौंको टोलीले भारतमा प्रतिबन्धित १ हजार र ५ सय दरका गरी १६ लाख बराबरको नोटसहित ५ जनालाई पक्राउ गरेको हो ।
परिसरका डिएसपी होमिन्द्र बोगटीका अनुसार, पक्राउ पर्नेमा दोलखाका रामविक्रम खड्का, धादिङका शम्भु परियार, कास्कीका सन्तोष थापा मगर, काभ्रेका धनध्वज तामाङ र राजेन्द्र घिसिङ छन् ।
पक्राउ परेकाहरुले के कामकालागि प्रतिबन्धित नोट ल्याए भन्नेबारे अनुसन्धान भइरहेको प्रहरीले जनाएको छ । पक्राउ परेकामाथि थप अनुसन्धानका लागि राजश्व अनुसन्धान विभागका पठाएको डिएसपी बोगटीले बताए ।