तौलिहवा–जीतपुर सडकखण्डमा मोटरसाइकल दुर्घटना, दुई जनाको ज्यान गयो

कपिलवस्तु ।
तौलिहवा–जीतपुर सडकखण्डमा मोटरसाइकल दुर्घटना हुँदा दुई जनाको मृत्यु भएको छ । कपिलवस्तुको कपिलवस्तु नगरपालिका–६, निगालिकोटमा गएराति दुर्घटना भएको हो ।
जीतपुरबाट सदरमुकाम तौलिहवातर्फ आउँदै गरेको लु ९ प ४६६४ नम्बरको मोटरसाइकलमा सवार दुवै जनाको घटनास्थलमै मुत्यु भएको प्रहरीले जनाएको छ ।
दुर्घटनामा कपिलवस्तु नगरपालिका–६ रामापुरका ३२ वर्षीय शेषराम यादव र मायादेवी गाउँपालिका–७ रतनपुरका ४० वर्षीय सर्वजित यादव रहेको कपिलवस्तु प्रहरीले जनाएको छ ।
दुर्घटनाबारे थप अनुसान्धान भइरहेको प्रहरी नायब उपरीक्षक देवेन्द्र पाण्डेले बताउनुभयो । मृतक दुवैको शव अहिले जिल्ला अस्पताल तौलिहवामा राखिएको छ ।