देशका अधिकांश क्षेत्रमा आंशिकदेखि सामान्य बदलीको सम्भावना

काठमाडौँ ।
देशका अधिकांश क्षेत्रको मौसम सोमबार आंशिकदेखि सामान्यता बदली रहने जल तथा मौसम पूर्वानुमान महाशाखाले जनाएको छ ।
पश्चिमी न्यून चापिय प्रणालीका कारण देशका अधिकांश क्षेत्रको मौसम आंशिकदेखि सामान्य बदली भएको र दिनभरजस्तो यस्तै रहने मौसमविद सुवास रिमालले बताएका छन् ।
बिस्तारै पश्चिमी न्यून चापिय प्रणाली भित्रएकाले केही दिनको मौसम यस्तै रहने उनको भनाई छ । सोमबार देशका पूर्व र मध्यका केही ठाउँ तथा पश्चिमका थोरै ठाउँमा मेघ गर्जनसहित पार्नी पर्ने सम्भावना छ ।
ठूलो पानी पर्ने सम्भावना भने नरहेको उनले बताएका छन् । काठमाडौँ उपत्यकासहितका ठाउँमा बिहानैदेखि बदली भएको छ ।