स्वदेश फर्किए सन्दीप

काठमाडौं ।
नेपाली लेग स्पिनर सन्दीप लामिछाने भारतमा जारी इन्डिएन प्रिमियर लिग (आईपीएल) खेलेर स्वदेश फर्किएका छन् । आइतबार त्रिवि अन्तर्रा्ष्ट्रिय विमानस्थलमा सञ्चारकर्मीसँग कुरा गर्दै उनले यो संस्करणमा झन् बढी सिकेको बताए । सन्दीपले भने, ‘तुलनात्मक रुपमा पहिले भन्दा राम्रो भएको छ ।
यसपटक पनि व्यक्तिगत रुपमा मात्रै नभई नेपाली क्रिकेटकै स्तर माथि उठाउन केही योगदान गर्न सकेँ जस्तो लागेको छ ।’
उनले जेठदेखि शुरु हुने प्रधानमन्त्री कप क्रिकेटमा भने आफू सहभागी नहुने पनि बताए । धेरै व्यस्त भइरहेकाले यसपटक आराम गर्न प्रधानमन्त्री कपमा सहभागी नहुने उनको भनाई छ । आईपीएलमा खेलेका ६ खेलमा उनले ८ विकेट लिएका थिए । जसमा उनको इकोनोमी ९.१३ र एभरेज २६.२५ रहेको थियो ।