वैजलपुरमा जारी जिल्ला स्तरीय फुटवलमा मुहान र युनाइटेड विजयी

मायादेवी अनलाइन, वाणगंगा–
वाणगंगा २ बैजलपुरमा जारी बुद्धिराम न्यौपाने स्मृति कप जिल्लास्तरीय फुटवलमा मुहान एफसी र युनाइटेड कपिलवस्तु जितपुर विजयी भएका छन् । बैजलपुर युवा क्लबको आयोजनामा भइरहेको फुटवलमा शनिबार मुहान एफसी झुँगा वाक ओभर को नियम अनुसार विजयी भयो । पहिलो खेलमा लव नेपाल निर्धारित समयमा खेल मैदानमा उपस्थित नभएको कारण मुहान बिजयी भएको हो । यस्तै दोस्रो खेलमा युनाइटेड कपिलवस्तु जितपुरले जनप्रेमी युवा क्लब पिपरालाइ १–० ले पछि पार्दै अघिल्लो चरण मा प्रवेश गरेको क्लवका अध्यक्ष अमृत न्यौपानेले जानकारी दिनुभयो । प्रतियोगिता अन्तर्गत आइतबार पनि एक खेल हुँदै छ । आज दिउसो ३ बजे हुने खेलमा आयोजक वैजलपुर युवा क्लव ए ले सूर्योदय युवा क्लव बुङचीको सामना गर्ने छ । प्रतियोगितामा जिल्लाका १२ टिमले सहभागिता जनाएका छन् । प्रतियोगिताको विजेताले नगद रु ५० हजार र उपविजेताले २५ हजार शिल्ड मेडल र प्रमाण पत्र प्राप्त गर्ने न्यौपानेले जानकारी दिनुभयो ।