चर्चित हास्य कलाकार जितु नेपाल (मुन्द्रे) आज कपिलवस्तुको ४ नम्बर आउँदै

मायादेवी अनलाइन, वाणगंगा ।
चर्चित हास्य कलाकार जितु नेपाल (मुन्द्रे) आज कपिलवस्तुको चार नम्बर जितपुर आउँदै हुनहुन्छ । वाणगंगा ४ जितपुर तौलिहवा रोडमा रहेको सानिमा लाइफ इन्स्यूरेन्स कपिलवस्तु शाखाको उद्घाटन गर्नको लागि उहाँ चार नम्बर आउन लाग्नु भएको हो ।

शाखा प्रमुख गणेश कार्कीका अनुसार विहान १० बजे उद्घाटन कार्यक्रम हुने छ । सोही क्रममा मुन्द्रले केही समय सम्बोधन गर्ने र दर्शकलाई हसाउने कार्यक्रम रहेको कार्कीले जानकारी दिनुभयो । मुन्द्रेको पछिल्लो समय हास्य टेलिभिजन शो मुन्द्रेको कमेडि क्लव निकै प्रख्यात छ ।