खोज पत्रकारीता तालिम सुरु

मायादेवी अनलाइन, कपिलवस्तु ।

कपिलवस्तुको वाणगंगामा शुक्रबारबाट ३ दिने खोज पत्रकारीता तालिम सुरु भएको छ । पत्रकारको क्षमता अभिबृद्धिका लागि तालिम सञ्चालन गरिएको हो । तालिमकोे नेपाल पत्रकार महासंघका केन्द्रिय उपाध्यक्ष विपुल पोख्रेलले उद्घाटन गर्नुभयो । तालिम उद्घाटन गर्दै उपाध्यक्ष पोख्रेलले पछिल्लो समय समाचारको विश्वसनियता गुम्दै गएको भन्दै समाचारलाई विश्वसनिय बनाउनु पर्ने बताउनुभयो ।

नेपाल पत्रकार महासंघका जिल्ला अध्यक्ष डिलाराम भुसालको अध्यक्षतामा भएको कार्यक्रममा नेपाल पत्रकार महासंघका केन्द्रिय सदस्य बसन्त गिरी लगाएतले शुभकामना मन्तब्य राख्नुभएको थियो ।

कार्यक्रमको सञ्चालन पत्रकार महासंघका जिल्ला सचिव हरि अधिकारीले गर्नुभएको हो । नेपाल पत्रकार महासंघ कपिलवस्तुको आयोजना र वाणगंगा नगरपालिकाको आर्थिक सहयोगमा सञ्चालित तालिम संचालन वैशाख २९ गते सम्म संचालन हुने छ ।

तालिममा यस क्षेत्रका पत्रकारको सहभागिता रहेको छ । तालिमको आज पहिलो दिन पत्रकार महासंघको केन्द्रिय उपाध्यक्ष विपुल पोख्रेलले प्रशिक्षण दिनुभएको थियो ।