बाजुरामा ट्याक्टर दुर्घटना एक जनाको मृत्यु

बाजुरा ।
बाजुरामा आज दिउँसो ट्याक्टर दुर्घटना हुँदा बुढिनन्दा नगरपालिका– ७ का २१ वर्षीय डपेन्द्र खड्काको निधन भएको छ । दुर्घटनामा चालकसहित दुई जना घाइते भएका छन् ।

सदरमुकाम मार्तडीबाट कोल्टी जाँदै गरेको लु ४ त ७८१ नम्बरको ट्याक्टर बुढीनन्दा नगरपालिकाको दानसाँघु नजिक दुर्घटना भएको प्रहरीले जानकारी दिएको हो । घाइते हुनेमा चालक कैलाली जिल्ला घोडाघोडि नगरपालिका १० का १९ वर्षका खगेन्द्र चौधरी र स्वामी कार्तिक गाउपालिका ३ बस्ने प्रकाश शाही रहेका छन ।

घाइते दुवैजनाको कोल्टी स्वास्थ्य चौकीमा भइरहेको छ ।