सेथुको फराकिलो जित, सावित्राको निरन्तर गोल

काठमाडौं ।
नेपाली महिला राष्ट्रिय टोलीका सावित्रा भण्डारी र अनिता बस्नेत सम्मिलित सेथु फुटबल क्लबले इन्डियन वुमन्स लिगमा लगातार तेस्रो जित हासिल गरेको छ ।
सेथुले शुक्रबार स्पोर्टस् एकडेमी अफ इन्डिया (एसएआई) लाई ९–० ले हराउँदा सावित्राले १ गोल गरेकी थिइन् । यद्दपी उनी शुक्रबारको खेलमा भने पहिलो रोजाइमा थिइनन् । अनिताले भने आजको खेलमा पहिलो रोजाइमा मौका पाएकी थिइन् ।
सेथुको फराकिलो जितमा रतनवाला ४, सन्ध्या रंगनाथनले २ तथा इन्दुमती, ग्रेस र सावित्राले समान १ गोल गरेका थिए । क्लबका लागि सावित्राको त्यो छैटौं गोल थियो ।
तीन खेलमा गोल गरेकी सावित्राले पहिलोमा ४, दोस्रा र तेस्रोमा समान १ गोल गरेकी थिइन् । आइतबार कोल्हापुर सिटिको सामना गर्ने सेथुले अन्तिम लिग खेल १८ मे मा बरोडासँग खेल्नेछ ।