मोरङ ।
पाँचथरको कुम्मायक गाँउपालिका–२ मा ट्रयाक्टर दुर्घटनामा एकजनाको मृत्यु भएको छ। कुम्मायकस्थित मङजावुङमा ट्रयाक्टर सडकबाट खस्दा फालेलुङ गाँउपालिका प्राङवुङका १८ वर्षीय रोशन थाम्सुहाङको मृत्यु भएको हो।
कुम्मायकको सुब्बाटोलवाट काठ ढुवानी गर्दै चौथीवजार जानेक्रममा लु १ त ६२४ नम्बरको टयाक्टर मङगलबार राती करिब १० बजे अनियन्त्रित भई सडकवाट ३० मिटर तल खस्दा घाइते भएका थाम्सुहाङलाई पाँचथर अस्पताल पुर्याँउदा चिकित्सकले मृत घोषित गरेका थिए।
दुर्घटनामा ट्रयाक्टर चालक पाँचथर याङवरक ३ ओयामका २१ वर्षीय सन्तोष मगर र सहचालक फिदिम ९ लुम्फावुङ वस्ने २० वर्षीय धिरेन राई घाइते भएको जिल्ला प्रहरी कार्यालय पाँचथरले जनाएको छ। घाइतेहरुको जिल्ला अस्पतालमा उपचार भइरहेको प्रहरीले जनाएको छ।
प्रतिक्रिया