रणवीर र आलिया बिदा मनाउन युरोप

एजेन्सी ।
बलिउड अभिनेता रणवीर कपूर र अभिनेत्री आलिया भट् बिचको प्रेम सम्बन्ध आहिले बलिउड नगरिको सबैभन्दा चर्चाको विषय भित्र पर्छ । यी दुईबिचको प्रेम पछिल्लो समय सार्वजनिक रुपमा व्यक्त हुन थालेको छ ।

आलियाले फिल्म फेयर अवार्ड जितेपछि सम्बोधनको क्रममा रणवीरलाई विशेष रुपमा सम्झिएकी थिइन् । उनीहरु धेरै ठाउँ र अवसरमा सँगै देखिन पनि थालेका छन् । पछिल्लो पटक रणवीर र आलिया बिदा मनाउनका लागि युरोप गएका छन् ।

आलियाको विशेष अपेक्षा गरिएको चलचित्र कलंकले त्यति राम्रो नगरेपछि रणवीरसँग उनी बिदा मनाउनका लागि युरोप गएकी हुन् । उनीहरु लण्डनसहितका क्षेत्र पुगेको बताइएको छ । रणवीर र आलिया बिहेको तयारी पनि रहेको बताइन्छ ।