पोखरा विमानस्थलमा जाइरोकोप्टर दुर्घटनाग्रस्त

पोखरा ।
पोखरा विमानस्थलमा अवतरणका क्रममा एउटा जाइरोकोप्टर दुर्घटनाग्रस्त भएको छ । मंगलबार दिउँसो ’साइट सिन’ अवलोकन गरेर अवतरण गर्ने क्रममा हेलि एयरको एक जाइरोकोप्टर धामानबाट चिप्लिएर दुर्घटनामा परेको हो। मंगलबार दिउँसो पौने २ बजे पोखरा आसपासका हिमश्रृंखला अवलोकन गरेर अवतरणका क्रममा जाइरोकोप्टर दुर्घटनाग्रस्त भएको पोखरा विमानस्थलका निर्देशक भोला गुरागाँईले बताए। ‘साइट सिन’ गरेर फर्किएको जाइरोकोप्टर अवतरणका क्रममा दुर्घटना भएको हो’, उनले भने, ’दुर्घटनापछि जाइरोकोप्टरको एक भाग पुरै क्षतिग्रस्त भएको छ।’ दुर्घटनामा परेको जाइरोकोप्टरमा क्याप्टेन र एकजना मात्र यात्रु थिए । जाइरोकोप्टर दुर्घटनामा परे पनि दुवैजना सकुशल रहेको निर्देशक गुराँगाईले बताए।