दाङमा पिकअप भ्यानले साइकल यात्रीलाई ठक्कर दियो, घर्तीको मृत्यु

घोराही ।
दाङको राप्ती गाउँपालिका-१, पाखापानीमा पिकअप भ्यानको ठक्करबाट साइकल यात्रीको मृत्यु भएको छ।
पूर्वपश्चिम राजमार्गमा पूर्वबाट पश्चिमतर्फ जाँदै गरेको भ्यानले आइतबार बेलुका ७ः३० बजेको समयमा साइकल यात्री राप्ती गाउँपालिका-१, मौरीघाट बस्ने अन्दाजी ३३ वर्षका गणेश घर्तीलाई ठक्कर दिएको थियो ।
गम्भीर घाइते घर्तीलाई उपचारको लागि भालुवाङस्थित राप्ती पोलिक्लिनिक लगिएको थियो । त्यहाँ उपचार हुन नसकेपछि उनलाई लुम्बिनी अस्पताल बुटवल रेफर गरिएको थियो ।

उनको उपचारको क्रममा राती १०ः३१ मा मृत्यु भएको जिल्ला प्रहरी कार्यालय दाङका प्रवक्ता प्रहरी नायव उपरिक्षक विनोद विक्रम शाहले बताए । मृतक घर्तीको शव लुम्बिनी अस्पतालमै राखिएको छ । सवारी र सवारी चालक प्रहरीको नियन्त्रणमा छन् ।