जमर्न बुण्डेस लिगाः बायर लेभरकुजनद्धारा गोलको बर्षा

एजेन्सी ।
जमर्न बुण्डेस लिगा फुटबल अन्तर्गत आइतबार राति भएको खेलमा शीर्ष चारमा पर्नका लागि प्रतिस्पर्धामा रहेका दुई क्लबबिचको खेलमा एक क्लबले सुरुको ३६ मिनेटमै आधा दर्जन गोल गरेको छ ।
बायर लेभरकुजनले घरेलु मैदानमा भएको खेलमा चौथो स्थानको फ्र्यांकफर्टलाई ६–१ ले हराएको हो । लेभरकुजनले सुरुको ३६ मिनेट भित्रै ६ गोल गरेको हो ।
पाँच गोल लभेरकुजनका खेलाडीले गरेका हुन् भने एक गोल उपहारमा पाएको हो । यस्तै फ्र्यांकफर्टले पनि सोही अवधिभित्र एक गोल फर्काएको हो ।
बार्यनका लागि उसका खेलाडीले दोस्रो, १३ औँ, २३ औँ, २८ औँ र ३४ औँ मिनेटमा गोल गरे । ३६ औँ मिनेटमा फ्र्यांकफर्टका खेलाडीले आत्मघाती गोल गरे ।
फ्र्यांकफर्टले १४ औँ मिनेटमा एक गोल फर्काएको हो । हारपछि पनि फ्र्यांकफर्ट ५४ अंकसहित चौथो स्थानमा छ । जित निकालेको लेभरकुजन ५४ अंकसहित नै पाँचौँ स्थानमा पुगेको छ ।