एजेन्सी ।
स्पेनिस ला लिगा फुटबल अन्तर्गत आइतबार राति भएको खेलमा रियल मड्रिड विजयी भएको छ । घरेलु मैदानमा भएको खेलमा रियल मड्रिडले भिल्लारियललाई ३–२ ले पराजित गरेको हो ।
रियलको जितमा मारियानोले दुई तथा भालेजोले एक गोल गरे । भिल्लारियलका लागि मोरेनो र कोस्टाले एक एक गोल गरे । दोस्रो मिनेटमा नै मारिनो डियाजको गोलबाट रियल मड्रिडले सुरुवाति अग्रता लियो । ११ औँ मिनेटमा जेरार्ड मोरेनो भिल्लारियलका लागि बराबरी गोल फर्काए । ४० औँ मिनेटमा जिसस भालेजोले रियल मड्रिडलाई पुनः अग्रता दिलाए ।
मारियानोले ४९ औँ मिनेटमा व्यक्तिगत दोस्रो गोल गर्दै रियल मड्रिडलाई ३–१ को अग्रता दिलाए । तर इन्जुरी समयको चौथो मिनेटमा जाउम कोस्टाले भिल्लारियलका लागि गोल गरेपछि रियल मड्रिडको जित ३–२ मा आएको हो ।
तेस्रो स्थानको रियल मड्रिडको दुई खेल बाँकी हुँदा ६८ अंक भएको छ । ला लिगा अन्तर्गत आइतबार राति नै भएका अरु खेलमा भ्यालेन्सियाले हुएस्कालाई ६–२, गेटाफेले जिरोनालार्य २–०, एइबरले रियल बेटिसलाई १–० तथा रियल भालाडोलिडले एथ्लेटिको बिल्बाओलाई १–० ले हराएका छन् ।
प्रतिक्रिया