एजेन्सी ।
इङ्लिस प्रिमियर लिग फुटबलमा लिभरपुल पुनः शीर्ष स्थानमा उक्लिएको छ । शनिबार राति भएको खेलमा न्युक्यासल युनाईटेडलाई ३–२ गोलले हराउँदै लिभरपुलले उपाधि होडमा आफुलाई बलियो बानाएको हो । लिभरपुल दोस्रो स्थानको म्यान्चेस्टर सिटी भन्दा २ अंकले अघि छ । लिभरपुल शीर्ष स्थानमा पुगेसँगै प्रिभियर लिगको उपाधि भिड्न्त अझै रोमाञ्चक बन्दै गएको छ ।
न्युक्यासलको घरेलु मैदानमा भएको खेलमा लिभरपुललाई जित दिलाउन खेलको १३ औ मिनेटमा भर्जिल भान डिजिकले गोल गर्दै सुरुवाती अग्रता दिलाए । लिभरपुलको अग्रता लामो समय टिक्न सकेन खेलको २० औँ मिनेटमा न्युक्यासलका क्रिस्टियन अत्सुले गोल गर्दै खेल बराबरीमा ल्याए ।
यता खेलको २८ औँ मिनेटमा मोहमद सालाहले गोल गर्दै लिभरपुललाई २–१ को अग्रता दिलाए । ५४ औ मिनेटमा न्यु क्यासलका लागि सलोमन रोन्डोनले गोल गर्दै खेल २–२ को बराबरीमा ल्याएका थिए ।
खेलको ८६ औँ मिनेटमा डिभोक ओरिजीले गोल गर्दै लिभरपुललाई महत्वपुर्ण तीन अंक दिलाए । जितसँगै लिभरपुलले ३७ खेलबाट ९४ अंक जोडेको छ । एक खेल कम खेलेको सिटी ९२ अंक सहित दोस्रो स्थानमा छ । शनिबार भएको अर्काे खेलमा टोटेनहम बर्नेमाउथसँग १–० गोलले पराजित भएको छ ।
प्रतिक्रिया