एजेन्सी,
फ्रेन्च लिग वान फुटबल च्याम्पियन पेरिस सेन्ट–जर्मेन (पिएसजी) को खराब प्रदर्शनको शिलशिला जारी छ । पछिल्ला खेलमा परााजित हुँदै आएको पिएसजी लिग वान अन्तर्गत आइतबार रातिको खेलमा निससँग बराबरीमा रोकियो ।
पहिलो हाफमा गोलरहित बराबरी भएको खेलमा ४६ औँ मिनेटमा गानागोले निसका लागि गोल गर्दै अग्रता दिलाए । ६० औँ मिनेटमा पिएसजीले पेनाल्टी पायो, त्यसमा नेइमारले गोल गरे र टिमलाई बराबरीमा ल्याए ।
खेलको अन्तिम समयमा निसका खेलाडीले नेइमारलाई फउल गरेपछि पिएसजीले पेनाल्टी पायो । तर त्यसमा एडिन्सन काभानीले गोल गर्न सकेनन् ।
काभानीको प्रहार निसका वाल्टर बेनिटेजले सुन्दर बचाउ गरे । बराबरीपछि लिग च्याम्पियन पिएसजीको ३५ खेलबाट ८५ अंक भएको छ ।
प्रतिक्रिया