एजेन्सी ।
भारतमा जारी १२ औँ संस्करणको इन्डियन प्रिमियर लिग आईपीएल मा शनिबार दुई खेल हुँदैछन्। पहिलो खेलमा दिल्ली क्यापिटल्स र राजस्थान रोयल्स तथा दोस्रो खेलमा सनराइजर्स हैदरावाद र रोयल च्यालेन्जर्स बैंग्लोरबिच प्रतिस्पर्धा हुँदैछ।
अपरान्ह सवा ४ बजे हुने पहिलो खेलमा दिल्लीले राजस्थानको सामना गर्दैछ। टस जितेको राजस्थानले पहिले ब्याटिङ गर्ने भएको छ। तर दिल्लीको टोलीमा शनिबार पनि सन्दीप लामिछाने अटाएका छैनन्। खर्चिलो बलिङ तथा विकेटबिहिन भएपछि सन्दीप पछिल्ला खेलमा दिल्लीको प्लेइङ ११ मा अटाएका छैनन्।
१३ खेल खेलको दिल्ली १६ अंकका साथ अंकतालिकाको तेस्रो स्थानमा रहेको छ भने १३ खेल नै खेलेको राजस्थान ११ अंक सहित अंकतालिकाको छैठौँ स्थानमा रहेको छ। दिल्लीले प्लेअफका लागि आफ्नो स्थान सुरक्षित गरिसकेको छ । राजस्थानको प्लेअफ पुग्ने सम्भावना गणितीय रुपमा मात्र बाँकी छ।
प्रतिक्रिया