एभर्टनको युरोपा लिगमा स्थान बनाउने सम्भावना कायमै

एजेन्सी ।
इंग्लिस प्रिमियर लिग फुटबल अन्तर्गत शुक्रबार राति भएको खेलमा एभर्टनले जित निकालेको छ । घरेलु मैदानमा भएको खेलमा एभर्टनले बर्नलीलाई २–० ले हराएको हो ।
उसको जितमा २० औँ मिनेटमा सेमस कोलम्यानले गोल गरे । त्यसअघि १७ औँ मिनेटमा उसले उपहार गोल पाएको थियो । बर्नलीका बेन मीले आत्मघाती गोल गरेका हुन् । दोस्रो हाफमा दुवै तर्फबाट गोल हुन सकेन र एभर्टन २–० ले विजयी भयो ।
जितपछि एभर्टनको युरोपा लिग फुटबलमा छनौट हुने सम्भावना जीवितै रहेको छ । लिगको एक खेल बाँकी हुँदा उसको ३७ खेलबाट ५३ अंक भएको छ र उ आठौँ स्थानमा छ ।