आईपीएल अपडेटः प्ले अफ सुरक्षित गर्न कस्ले जित्ला ?

मायादेवी अनलाइन, वाणगंगा ।
आईपीएल क्रिकेटमा शुक्रबार किंग्स इलोभन पञ्जाव र कोलकाता नाइट राइडर्स भिड्ने भएका छन् । नेपाली समय अनुसार साँझ सवा ८ बजे देखि सुरु हुने खेलमा दुवै टोलीलाई प्ले अफमा पुग्नका लागि जित्नै पर्ने दबाब छ । दुवै टोलीले अहिले सम्म ५÷५ ओटा खेल जितेका छन् भने ६÷६ हारेका छन् ।
पञ्जावमा हुने खेलमा रनरेटको आधारमा दुवै टोलीको समान १२÷१२ अंक छ । यद्यपि रनरेटको आधारमा कोलकाता अगाडी छ ।
यसभन्दा अगाडी चेन्नई, दिल्ली र मुम्बई प्ले अफमा पुगिसकेका छन् भने राजस्थान र बैंग्लोर बाहिरीसकेका छन् । अब पञ्जाव, कोलकता र हैदराबाद मध्ये एउटा मात्र टोली प्ले अफमा पुग्ने छ ।