धान खोलामा जीप दुर्घटना, दाङका एक जनाको मृत्यु

मायादेवी अनलाइन, चन्द्रौटा ।
कपिलवस्तुको सुुदुर पश्चिम क्षेत्रमा जीप दुर्घटना भएको छ । शिवराज नगरपालिकामा अवस्थित धानखोला क्षेत्रमा जीप दुर्घटना भएको हो । आज विहान भएको दुर्घटनामा एक जनाको मृत्यु भएको छ ।
दाङबाट चन्द्रौटा आउँदै गरेको बा १४ प ८४४५ नम्बरको जीप दुर्घटना हुँदा घोराही उपमहानगरपालिका वडा नं. १४ का तीर्थ आचार्यको मृत्यु भएको प्रहरीले जनाएको छ । दुर्घटनामा लमही नपा ४ का अनिल कुमार चौधरी घाइते भएका छन् । उनको अहिले बुटवलमा उपचार भैरहेको बताइएको छ ।
जीप ६० मिटर तल खसेको वडा प्रहरी कार्यालय चन्द्रौटाले जनाएको छ । दुर्घटना क्षेत्र पहाडी क्षेत्रमा पर्दछ । कपिलवस्तु र दाङको सीमानामा पर्ने धानखोलाको मामा खोला र कोइला खोला भन्ने स्थानमा दुर्घटना भएको प्रहरीको भनाई छ ।