बनगाईमा हाइसको ठक्करबाट दुई जना घाइते, गाडी फरार, प्रहरी रमिते !

मायादेवी अनलाइन, वाणगंगा ।
कपिलवस्तुको बनगाई (सनराइज पेट्रोल पम्प अगाडी) मा हाइसको ठक्करबाट दुई जना साइकलयात्री घाइते भएका छन । बुधबार विहान हाइसको ठक्करबाट दुई जना घाइते भएका हुन् । घाइते मध्ये एक जनाको अवस्था गम्भिर रहेको बताइएको छ ।
गम्भिर अवस्थामा रहेकाको थप उपचारका लागि बुटवल पठाइएको बताइएको छ । अर्का एक जनाको चारनम्बरमा उपचार भैरहेको छ ।
घटना हुँदा वित्तिकै इलाका प्रहरी कार्यालय पिपरालाई खबर गरेपनि प्रहरीले चासो देखाएको भन्दै स्थानीयले गुनासो गरेका छन् । ठक्कर दिने गाडी हाइस रहेको प्रत्यक्षदर्शीले बताएका छन् । ठक्कर दिने हाइस फरार छ । प्रहरीले अझै घटनास्थलमा पुगेको छैन् । घाइते मध्ये एक जना चप्परगाउँमा तल्सीराम थारु रहेका छन् । घटनाको थप विवरण आउँन बाकीछ ।