दिनभर चर्को घाम लाग्ने, पहाडी क्षेत्रमा सामान्य बदलीको सम्भावना

काठमाडौँ ।
पहाडी क्षेत्रको मौसम बुधबार सामान्य बदली रहे पनि अरु क्षेत्रमा आंशिक बदली हुने जल तथा मौसम पूर्वानुमान महाशाखाले जनाएको छ ।
पहाडी क्षेत्रमा दिनभरको मौसम सामान्यतया बदली हुने सम्भावना रहेको मौसमविदले बताएका छन् । पहाडी क्षेत्रका केही ठाउँमा मेघ गर्जनसहित हल्का पानी पर्ने सम्भावना पनि रहेको जनाइएको छ ।
अरु क्षेत्रमा भने आंशिक बदली भए पनि पानी पर्ने सम्भावना भने नरहेको बताइएको छ । विशेष गरि तराईका क्षेत्रमा आंशिक बदलीसँगै चर्को घाम लाग्ने भएकाले गर्मी हुनेछ ।