आईपीएलः राजस्थानको पनि प्ले अफको यात्रा टुङ्गियो

एजेन्सी ।
इन्डियन प्रिमियर लिग (आइपिएल) क्रिकेट अन्तर्गत मंगलबार राति भएको खेलमा प्ले अफमा नपर्ने पक्का भएको रोयल च्यालेन्जर्स बैंग्लोर र राजस्थान रोयल्सबिचको खेल बिना नतिजा रोकिएको छ ।
वर्षाका कारण खेलमा ढिलाई भयो । पाँच ओभरमा छोट्याइएको खेलमा घरेलु टोली बैंग्लोरले पहिले ब्याटिङ्ग र्गयो ।

उसले पाँच ओभरमा सात विकेट गुमाएर मात्रै ६२ रन बनायो । बैंग्लोरका लागि कप्तान कोहलीले ७ बलमा २५ तथा एबी डी भिल्लियर्सले चार बलमा १० रन बनाए । अरुले दोहोरो अंकमा रन बनाउन सकेनन् ।

६३ रनको लक्ष्यसहित राजस्थानले ब्याटिङ्ग थाल्यो । उसले तीन ओभर दुई बलमा एक विकेट गुमाएर ४१ रन बनाएको अवस्थामा पानी पर्न थाल्यो । पानीका कारण खेल बिना नतिजा स्थगित भयो । दुवै टिमले एक–एक अंक पाए ।

राजस्थानका लागि सन्जु सामसोनले १३ बलमा दुई चौका र तीन छक्काको सहयोगमा २८ तथा लियम लिभिङ्गस्टोनले सात बलमा नटआउट ११ रन बनाए ।