वाणगंगामा महिलाको हत्या, थप अनुसन्धान चल्दै

मायादेवी अनलाइन, वाणगंगा ।
कपिलवस्तुको वाणगंगा नगरपालिकामा एक महिलाको हत्या भएको छ । जिल्लाको वाणगंगा नगरपालिका वडा नं. ८ बोडगाउँ बालापुर भन्ने स्थानमा गएराती महिलाको हत्या भएको हो । हत्या हुनेमा सोही स्थानकी सुनिता थारु रहेकी छिन् । उनको माइत मधुवन रहेको बताइएको छ ।
हत्या स्थलमा अहिले सर्वसाधारणको भिड लागेको छ । घटना कसरी घट्यो प्रहरीले अनुसन्धान गरिरहेको छ । घटनाका प्रमुख दोषिलाई छिट्टै पक्राउ गनुपर्ने स्थानीयले माग गरेका छन् ।
उनीहरुले एक महिला अगाडी प्रेम विवाह भएको बुझिएको छ । विवाह पश्चात श्रीमान र श्रीमती बीच झै झगडा हुँदै आएको थियो ।
वाणगंगाको झुँगामा यस भन्दा अगाडी पनि श्रीमानको संलग्नतामा श्रीमतीको हत्या भएको थियो । वाणगंगा ४ झुँगा निवासी अनिता पौडेलको श्रीमानको सलंग्नतामा हत्या भएको हो । पौडेलको हत्यामा संलग्नहरु जेल चलान भैसकेका छन् ।