कस्तो होला आइतबारको मौसम ?

काठमाडौँ ।
देशको पूर्वी भूभागमा आइतबार आंशिक देखि सामान्य बदली तथा मध्य र पश्चिमका पहाडी भूभागमा आंशिक बदली रहने जल तथा मौसम पूर्वानुमान महाशाखाले जनाएको छ ।
बाँकी भूभागमा भने मौसम सामान्यतया सफा रहने मौसमविदले बताएका छन् । तर पूर्वी भेगका थोरै स्थानहरुमा मेघ गर्जनसहित हल्का वर्षाको सम्भावना रहेको छ ।
यस्तै मध्य र पश्चिमी पहाडी भूभागका एक–दुइ स्थानमा अपरान्हपछि वा साँझपख मेघ गर्जनसहित हल्का वर्षा हुन सक्ने महाशाखाले जारी गरेको सूचनामा उल्लेख छ ।